Rábade acolle o Concerto de Primavera o 30 de marzo

A actuación está organizada coa colaboración do Concello de Rábade, a Deputación de Lugo e a Xunta de Galicia

O vindeiro domingo 30 de marzo de 2025, a Praza da Estación de Rábade será o escenario do esperado Concerto de Primavera, unha cita musical que dará comezo ás 12:30 horas. No caso de condicións meteorolóxicas adversas, o evento trasladarase ao Centro Sociocultural.

A actuación está organizada coa colaboración do Concello de Rábade, a Deputación de Lugo e a Xunta de Galicia, xunto co apoio de diversas entidades culturais e patrocinadores. A iniciativa forma parte do compromiso por promover a música e a cultura local, contando coa participación das Escolas Municipais de Música de Rábade, Begonte, Outeiro de Rei e Friol.