Rábade convoca unha andaina e un monólogo polo 8M

Os dous actos terán lugar o venres 7 de marzo

O Concello de Rábade programa dous actos con motivo do Día Internacional da Muller para o vindeiro venres 7 de marzo.

Ás 12:00 horas farase unha andaina con saída da Praza do Concello. Ao remate haberá unha chocolatada e agasallos para todos e todas as participantes ata fin de existencias.

Xa pola tarde, ás 20:00 horas o Centro Sociocultural acollerá o monólogo de Leti da Taberna Enredada.

As actividades, organizadas polo Concello de Rábade, están cofinanciadas polo Pacto de Estado Contra a Violencia de Xénero.