Raiolas celebra en Lugo o Día Mundial de Concienciación sobre o Autismo
Raiolas celebrou diante da Casa Consistorial de Lugo os actos conmemorativos polo Día Mundial de Concienciación sobre o Autismo.
A xornada arrancou pola mañá coa lectura dun manifesto e continuará pola tarde cunha exhibición de baile a cargo da Escola de Danza Star Dance, ademais dunha serie de xogos populares abertos á participación da cidadanía.
O deputado de Promoción Económica e Social, Pablo Rivera Capón, participou nestes actos organizados pola entidade lucense e destacou a colaboración continua da Deputación de Lugo con Raiolas.
Segundo indicou, a institución provincial destinou unha achega económica de 22.000 euros para garantir a atención aos seus usuarios e usuarias.
Ademais, recordou que a Deputación cedeu gratuitamente o local da antiga gardería do Campus de Lugo para a construción do primeiro Centro de Día da provincia para persoas con TEA, cun investimento próximo aos 112.000 euros nas obras de acondicionamento.
Como mostra de apoio á causa, a Deputación de Lugo iluminará esta noite a fachada do Pazo de San Marcos de cor azul, simbolizando a importancia da concienciación sobre o Trastorno do Espectro Autista (TEA).
Con estas iniciativas, tanto Raiolas como a Deputación de Lugo reafirman o seu compromiso coa inclusión e o apoio ás persoas con TEA e as súa familias, promovendo unha sociedade máis concienciada e accesible.