Raiolas Lugo organiza unha charla sobre TEA, benestar emocional e saúde mental
A Asociación Raiolas Lugo organiza unha nova sesión da súa Escola de Familias coa charla titulada 'TEA, benestar emocional e saúde mental', que se celebrará o vindeiro sábado 15 de marzo, en modalidade online.
A relatora será Rebeca Sevilla Muñiz, quen abordará a importancia do coidado emocional e da saúde mental nas persoas con Trastorno do Espectro Autista (TEA), así como o acompañamento familiar neste eido. A charla desenvolverase en horario de 11.00 a 13.00 horas.
Desde a organización anímase a todas as familias interesadas a participar, e as inscricións poden realizarse enviando un correo electrónico a raiolaslugo@gmail.com ou chamando aos teléfonos 982 21 45 04, 638 03 03 16 ou 608 89 44 78. A data límite para anotarse é o mércores 12 de marzo.
Esta actividade conta coa colaboración do Concello de Lugo e forma parte do compromiso de Raiolas Lugo por ofrecer espazos de formación e apoio ás familias vinculadas ao TEA.