Realizan un encontro para familias sobre a prevención da violencia nos fogares
O servizo de prevención de condutas aditivas da agrupación de Concellos de Begonte, Castro de Rei, Friol, Outeiro de Rei e Rábade organiza un encontro online dirixido a nais e pais dos concellos da agrupación, para abordar a prevención dos comportamentos violentos no ámbito familiar.
Este obradoiro será impartido de xeito online (a través da plataforma zoom) por Susana Piedra Zorrilla psicóloga con número de colexiada: M-19528 responsable do Programa de Prevención de condutas de risco en nenos, nenas e adolescentes e fomento da parentalidade positiva na UNAF.
Neste obradoiro abordaranse contidos como as características da adolescencia e pre-adolescencia, as condutas de risco na adolescencia, o bullying e ciberbullying, a violencia filioparental as autolesións e as competencias parentais na prevención de condutas violentas.
A sesión terá lugar o día 4 de marzo, de 17.00 a 18.30 horas.
As inscricións poden facerse a través deste enlace.