Reforzo da seguridade en catro puntos do Camiño na zona da Fonsagrada

Reforzo da seguridade en catro puntos do Camiño que coinciden con estradas autonómicas da zona da Fonsagrada

Obras LU 701 A Fonsagrada III

A Consellería de Infraestruturas e Mobilidade está a executar actuacións de reforzo da seguridade en catro puntos do Camiño Primitivo ao seu paso pola Fonsagrada que conflúen coas estradas autonómicas LU-530 E LU-701. O investimento total ascende a 59.300 euros.

Os traballos abranguen un treito duns 200 metros e inclúen a roza das marxes, a mellora do pavimento do Camiño en todo ese percorrido e a instalación dun valo de madeira.

Outra intervención prevista na LU-530 comezará os vindeiros días na zona de Paravella (pq 42+140). Neste punto acondicionarase o firme, dotarase a ruta xacobea dun pavimento de pedra e colocarase un bordo de formigón.

Ademais están en execución actualmente obras de mellora nun treito do Camiño que transcorre paralelo á LU-701 na zona de Paradanova, á altura do pq 2+280. Neste caso tamén se reforzará o pavimento e colocarase unha barreira de seguridade.

Ademais, as actuacións propostas na Fonsagrada inclúen a instalación de sinalización que advierte de perigo pola presenza de peóns nun cruzamento da LU-701 coa ruta xacobea situado á saída da localidade en dirección Asturias.