Rematados os traballos de mantemento do río Navia en Navia de Suarna
![obras rio navia](https://lugoxa.com/wp-content/uploads/2021/06/obras-rio-navia.jpg)
A Confederación Hidrográfica do Cantábrico finalizou traballos de mantemento e adecuación nun novo tramo do río Navia á altura da localidade da Proba, término municipal de Navia de Suarna (Lugo).
Esta nova actuación, que se realizou nun tramo de 1.300 metros de lonxitude, tiña por obxecto a retirada de restos vexetais depositados no leito do río que foran arrastrados pola corrente formando tapóns que impedían o correcto discorrer das augas. Tamén se retiraron numerosas árbores secas con posibilidade de caer no leito e producir posteriores tapóns.
Estes traballos, que supuxeron un investimento final de 16.251,88 €, realizáronse a través da empresa pública Tragsa dentro do Programa de mantemento e conservación de leitos que desenvolve CHCantábrico, nos ríos cantábricos da provincia de Lugo.
No ano 2020 o investimento realizado en traballos de conservación e mantemento de leitos en Lugo foi de 248.689,27 euros, repartida en 17 actuacións en 9 municipios.
A Confederación Hidrográfica do Cantábrico lembra que os labores de conservación e mantemento de leitos en zonas urbanas son competencia dos concellos, polo que as súas actuacións circunscríbense, necesariamente, ás zonas non urbanizadas.