Representantes de Asturias e Lugo reúnense para impulsar a 'Gran Senda do Navia'
Un grupo de persoas do colectivo Amigos de Boal de Asturias, encabezado polo seu presidente, Miguel Mojardín, reuniuse con representantes da Federación de Asociacións Veciñais da Provincia de Lugo, Lucus Agusti, para deseñar campañas de apoio ao proxecto da 'Gran Senda do Navia'.
Nos próximos días, daranse a coñecer as iniciativas de apoio tanto en Asturias como en Galicia, co fin de sensibilizar e mobilizar á poboación local arredor deste ambicioso proxecto.
A 'Gran Senda do Navia' ten como obxectivo principal a creación dun percorrido turístico e medioambiental ao longo de todo o Río Navia, que atravesa 20 municipios entre Asturias e Galicia. A iniciativa busca fomentar o turismo sostible e a protección do entorno natural, ademais de dinamizar as economías locais dos municipios polos que discorre o río.
Con esta colaboración entre Asturias e Galicia, preténdese promover un proxecto que fortaleza a conexión entre ambas as comunidades e que contribuía ao desenvolvemento social e económico das localidades próximas ao río.