Roimil inicia as festas cunha cea con polbo á feira
A localidade de Roimil, en Friol, acolle este venres, 18 de outubro, unha cea con polbo á feira para dar inicio ás festas do Rosario.
Esta terá lugar desde as 20.30 horas ata as 23.30 e despois do xantar haberá verbena coa orquestra Olympus.
As persoas que desexen participar deberán reservas mesas para grupos a través de Fran (629 604 040), Gita (689 005 049) e Noel (678 205 241). O prezo é de dez euros.
Ademais, o sábado continuará a programación cunha misa solemne ás 13.00 horas e sesión vermú e verbena coa orquestra Fuego.
O domingo completarase a celebración de novo con oficio relixioso á mesma hora e sesión vermú co dúo Sonidos. Tamén haberá sesión de tarde a partir das 19.00 horas con Los Satélites.
A organización lembra que o campo da festa estará cuberto con carpa.