Roimil, en Friol, celebrará a tradicional comida de San Xulián o 11 de xaneiro
A parroquia de Roimil, no concello de Friol, celebrarase o vindeiro 11 de xaneiro a tradicional Comida de San Xulián, unha cita festiva que reunirá á veciñanza nun ambiente de convivencia e celebración.
A xornada dará comezo coa misa, que se oficiará ás 13.00 horas, seguida dunha sesión vermú aberta aos asistentes. Posteriormente terá lugar a comida popular, que se desenvolverá no local social do Campo da Feira. O prezo do xantar será de 25 euros por persoa.
Desde a Comisión de Festas do Rosario, encargada da organización do evento, animan a participar a todos os interesados e lembran que é necesario anotarse previamente falando cos membros da comisión antes do día 6 de xaneiro, co fin de facilitar a organización.
A Comida de San Xulián constitúe unha das citas destacadas do calendario festivo da parroquia, mantendo viva unha tradición que cada ano serve como punto de encontro para veciños e veciñas de Roimil e da contorna.