Roque Mazoy Cortiñas consegue unha medalla de bronce nos I Xogos Nacionais de Combate
Roque Mazoy Cortiñas, integrante da Escola Deportiva Shihan, acadou a medalla de bronce na categoría de Kumite sénior -67 kg durante os I Xogos Nacionais de Combate celebrados en A Nucía, en Alicante.
Nesta competición só participaron os oito mellores deportistas de categoría absoluta tanto nas modalidades de Kata como de Kumite, o que engade maior valor ao logro conseguido polo lucense.
O evento, que se prolongou durante nove días, reuniu dez campionatos nacionais e contou coa presenza de máis de 1.200 deportistas pertencentes a sete federacións deportivas españolas: karate, judo, taekwondo, boxeo, loita, esgrima e kickboxing e muay thai.
Con apenas 19 anos, Roque Mazoy continúa a consolidar a súa traxectoria como unha das promesas máis destacadas do karate galego, representando con orgullo á Escola Deportiva Shihan e á cidade de Lugo.