Rubén Arroxo participa na carreira solidaria de Alucem con Óscar Domínguez
![Ruben arroxo alucem](https://lugoxa.com/wp-content/uploads/2022/10/Ruben-arroxo-alucem.jpg)
O Tenente Alcalde, Rubén Arroxo participou nas 24h solidarias organizadas por ALUCEM para dar visibilidade á enfermidade e ás actividades da propia asociación. Arroxo, xunto con concelleiras e concelleiros do Goberno de Lugo, estiveron presentes na saída da carreira, que tivo lugar hoxe na praza Pío XII.
O corredor lucense de ultrafondo, Óscar Domínguez, correrá arredor da muralla durante 24 horas, ata as 11:00 do sábado 20. A actividade está aberta á participación da veciñanza, que poderá participar camiñando ou correndo pola muralla no momento que o desexe.
Arroxo destacou que esta iniciativa permite que ALUCEM “achegue á veciñanza as súas actividades e achegue coñecemento sobre a esclerose múltiple, loitando contra os estigmas que aínda rodean á enfermidade”.
A asociación ALUCEM presta distintos servizos ás doentes de Esclerose Múltiple, entre os que destacan o asesoramento e atención laboral e social, ou traballos de rehabilitación e mantemento físico.