San Lorenzo de Aguiar celebra as súas festas esta fin de semana

O sábado ás 13.30 darán comezo as celebracións cunha misa solemne

Cartel do evento

A parroquia de San Lorenzo de Aguiar, en Outeiro de Rei, celebra as súas festas esta fin de semana.

O sábado ás 13.30 darán comezo as celebracións cunha misa solemne para continuar cunha sesión vermú a cargo da orquestra Trébol.

Xa pola noite a verbena contará coas actuacións de novo de Trébol e a orquestra e trío D’Nika.

O domingo a misa será tamén ás 13.30 e como final de festas unha sesión vermú amenizada polo grupo Alba.

Dende a organización informa de que o campo da festa estará cuberto cunha carpa.