Sorteamos tres entradas dobres para asistir ao Campionato de España de Motocrós en Lugo
¿Queres asistir ao Campionato de España de Motocrós e coñecer a Jorge Prado? Dende LUGOXA, en colaboración co Concello de Lugo, sorteamos tres entradas dobres (gañador e acompañante) para asistir ao Campionato de España de Motocrós no circuíto municipal Jorge Prado o 24 e o 25 de febreiro.
Previsiblemente, a entrega das entradas será este venres no Concello da man de Jorge Prado. Podes participar no sorteo de dous xeitos. Podes seguirnos no noso perfil de Instagram e deixar un comentario coa palabra Participo na publicación do sorteo ou podes seguirnos no noso perfil de Facebook e comentar tamén Participo na publicación. O sorteo permanecerá activo ata o mércores ás 14.00 horas e realizarase ao azar a través dunha app. Xa pola tarde daremos a coñecer aos gañadores a través da nosa web.