Supervisan o percorrido do Desafío ciclista de Monterroso

O prazo para anotarse na proba está aberto ata o vindeiro mércores

A deputada provincial Iria Castro, en representación da Vicepresidencia da Deputación,  achegouse a coñecer como van os preparativos da proba do VIII Desafío CC San Miguel Monterroso.

Iria Castro comprobou o estado dalgún tramo da proba xunto cos integrantes da organización, pertencentes ao Club Ciclista San Miguel de Monterroso, e foi informada de como van os preparativos e en que consisten estes. O prazo para anotarse na proba está aberto ata o vindeiro mércores.

A deputada transmitiulles ánimos para que o desenvolvemento da proba sexa todo o exitoso posible. Asemade manifestoulles a "moi boa impresión e a beleza que recolle esta tramo do trazado da proba".