Tirimol prepárase para celebrar as súas grandes festas na honra a San Xoán
A parroquia lucense de Tirimol vivirá os días 21, 22 e 23 de xuño de 2025 as súas tradicionais festas na honra a San Xoán, cun programa cheo de actividades relixiosas, música e celebracións populares que culminarán coa tradicional fogueira.
O sábado 21 comezará ás 13:30 horas cunha misa solemne e sesión vermú amenizada pola orquestra Pontevedra, que tamén será protagonista da verbena nocturna, compartindo escenario co DJ Miguel Cendoi.
O domingo 22 abrirase cun pasarrúas ás 11:00 a cargo dunha banda de gaitas, seguido dunha misa solemne e sesión vermú coa cantante Verónica Cambón. Pola tarde, ás 17:30, haberá actividades infantís organizadas por Total Sport, e a xornada rematará cunha verbena nocturna coa actuación de Begoña García.
O luns 23, a veciñanza poderá gozar dunha churrascada popular a partir das 21:30, que dará paso a unha nova verbena, esta vez co dúo Estrellas, e ás 24:00 horas prenderase a tradicional fogueira de San Xoán.
Finalmente, o martes 24, día de San Xoán, celebrarase unha misa ás 12:00 horas.
As festas están organizadas coa colaboración do Concello de Lugo, a Xunta de Galicia e varias empresas locais.