Todo preparado en Rábade para unha segunda edición mellorada do Festival Entrepontes
![presentacion-festival-entrepontes-rabade](https://lugoxa.com/wp-content/uploads/2024/05/presentacion-festival-entrepontes-rabade.jpg)
![](https://lugoxa.com/wp-content/uploads/2024/05/horario-festival-entrepontes-rabade.jpg)
O colectivo Fillos da Chaira de Rábade pon en marcha este sábado o Festival Entrepontes, a segunda edición, que se organiza na vila. Será unha cita coa música gratuíta para os asistentes.
O colectivo fixo público o horario, que contará con outras actividades ademais dos concertos. O festival arrancará coa sesión vermú, ás 13.45 hora, con algo de humor, a cargo de The Teta's Van, grupo feminista coas súas versións do rock'n roll.
Durante a tarde haberá unha exposición de cerámica e diferentes actividades familiares, entre as 17.00 e as 19.00 horas como un obradoiro de cerámica, animación e pintacaras para rematar cunha festa Holi, de man do grupo tradicional A Cadela Asasina, que irá dende os bares da contorna ata o Campo da Feira.
Abrirá a quenda de concertos, ás 20.30 horas Berta Fránklin, que cautivará coa súa mestura de soul, psicodelia, new-wave e rock actual.
Rábade tamén será o escenario para a estrea de Catalina Grande Piñón Pequeño en Galicia, onde ofrecerán a súa primeira actuación nun festival da comunidade. A prtir das 21.35 horas.
O grupo Lontreira ten asignadas as 23.05 horas, e a esta seguirá o representante do celtic punk Tecor Societário. Pecha o cartel Marqués de Vilapodre DJ, a partir das 0.35 horas, que fará unha sesión cos mellores temas para que a troula continúe.
O festival, que naceu o ano pasado con aires de continuidade, conta no pavillón Eduardo Villamarín cunha zona de acampada para autocaravanas e acampada de balde.
![horario-festival-entrepontes-rabade](https://lugoxa.com/wp-content/uploads/thumbs/2024/05/horario-festival-entrepontes-rabade-200x197.jpg)