UCIN mostra a súa preocupación pola conservación do Edificio Impulso Verde de Lugo
A Unión de Cidadáns Independentes (UCIN) expresou a súa preocupación polo estado do Edificio Impulso Verde, un dos proxectos máis destacados de Lugo en materia de sustentabilidade e modernidade.
"A pesar das intencións loables e o seu deseño innovador, o edificio enfróntase a serias deficiencias no seu mantemento, como demostra o recente desprendemento de varias teixas do teito, o que pon en dúbida a durabilidade dos materiais utilizados, especialmente a pizarra natural, un dos elementos estrela do proxecto", sosteñen.
Este material, promocionado como altamente resistente, de baixo mantemento e capaz de resistir condicións climáticas adversas durante máis de un século, mostrou signos de deterioro prematuro, "o que plantea varias incógnitas. ¿Foi un fallo na instalación? ¿Subestimáronse as condicións meteorolóxicas locais? ¿Ou acaso o enfoque na sustentabilidade eclipsou a necesidade dun control de calidade máis rigoroso?". A UCIN alerta que estes fallos poden minar a narrativa de excelencia do Impulso Verde e cuestionar a súa viabilidade como modelo replicable de arquitectura sostible.
O coordinador de UCIN Lugo, Alfonso Hortas, comparou a situación do Impulso Verde coa do ponte branco de Lugo, outra infraestrutura emblemática da cidade que padeceu durante anos unha falta de mantemento adecuado. O ponte, que sufriu problemas estruturais e estéticos, converteuse nun recordatorio dos riscos da negligencia na conservación de obras públicas. Para Hortas, o Impulso Verde non debe seguir este mesmo camiño: "O novo alcalde e o equipo detrás do proxecto LIFE Lugo+Biodinámico teñen a oportunidade de demostrar que o Impulso Verde non é só unha idea brillante sobre o papel, senón unha realidade práctica e duradeira", destacou.
Aínda que o desprendemento dalgunhas teixas poida parecer un inconveniente menor, os responsables da UCIN insisten en que é un sinal de alerta que debe ser atendido de maneira inmediata. Para eles, o mantemento deste edificio é crucial non só para preservar a súa integridade física, senón tamén o seu valor simbólico como símbolo de modernidade e sustentabilidade.
Se as autoridades municipais logran resolver este problema de maneira efectiva, o Impulso Verde podería consolidarse como o orgullo de Lugo. No caso contrario, podería caer na mesma trampa que outras iniciativas que, aínda nacidas con boas intencións, quedaron a medio camiño pola falta dunha correcta execución e seguimento.