Ultiman todos os detalles para poder inaugurar o novo auditorio de Lugo este venres
A rexedora do Concello de Lugo, Paula Alvarellos, visitou o novo auditorio para supervisar os últimos detalles que se están executando estes días e garantir que todo estea listo para a súa inauguración, este venres 20 de decembro, cunha actuación especial de Ainhoa Arteta.
"Non podo esperar para que chegue o gran día e para que o talento lucense brille no concerto da Orquestra Terra Nova", declarou Alvarellos durante a visita.
Así, o sábado 21 será a quenda da Orquestra Terra Nova, composta por case 150 músicos e coristas, que ofrecerán un espectáculo único co talento local como protagonista.
"Este concerto é unha oportunidade única para poñer en valor o talento musical de Lugo e amosar a riqueza cultural da nosa cidade", destacou Alvarellos.
Para pechar este arranque cultural, o domingo 22, Ainhoa Arteta volverá ao escenario cunha segunda actuación que promete ser inesquecible.