Un coche aparcado na Praza Santo Domingo xera malestar entre a sociedade lucense

Critican a situación do centro de Lugo, a peonalización e os obstáculos que hai que pasar en zonas que ían estar dedicadas ao tránsito de persoas

Algúns veciños do centro de Lugo quéixanse de que hai un coche aparcado na parte baixa da Praza Santo Domingo, fronte a Cajamar, desde hai dúas semanas.

Desta maneira, indican que "non só está todo o centro cheo de obras e tanto a Praza do Ferrol como a rúa de San Marcos teñen lousas en mal estado que dificultan o paso", senón que agora tamén "temos que pasar obstáculos como coches aparcados e vallados no medio dunha praza peonal", critican.

A peonalización da zona centro de Lugo é un tema a debate na sociedade lucense durante os últimos meses, xa que os cambios no percorrido da circulación do tráfico dos vehículos fixo que rúas peonais, como a de San Marcos, sufran as consecuencias das novas peonalizacións noutros lugares como a da Praza do Ferrol e a da Praza Santo Domingo.