Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
A covid continúa co seu ascenso de forma continua con máis de 60 casos diarios novos despois do salta de onte debido a un grupo detectado en Lugo.
Hoxe hai 834 casos activos, 32 máis que onte, cun rexistro de 63 novos positivos e 44 altas. Onte houbo 53 máis, con 85 novos contaxios e 33 altas.
Ademais, dende que comezou a pandemia, no mes de marzo do pasado ano, hai 21.491 casos rexistrados e 257 persoas falecidas, dúas delas nesta sexta vaga.
A presión hospitalaria redúcese lixeiramente. Os ingresados na UCI do Hula baixan a 4 (1 menos) e en planta son 12 pacientes, 5 no Hula, 2 na Mariña e 5 en Monforte.
POR COMARCAS
O gromo de Lugo desestabiliza un día máis as cifras mentres na Ribeira Sacra a situación comeza a mellorar lixeiramente na maior parte dos Concellos. Estabilidade no resto.
A Mariña
- Ribadeo diminúe en 3 os enfermos ata 13.
- Foz reduce 1 ata 16 contaxios.
- Cervo volve ter casos.
- Por debaixo de 10: A Pontenova, Mondoñedo, Alfoz, Barreiros, O Valadouro, Viveiro, Burela, Lourenzá, Xove e Trabada.
- Máis de quince días limpos: Ourol, O Vicedo e Riotorto.
Terra Chá
- Vilalba reduce ata 43 contaxiados (2 menos).
- As Pontes mantense en 19 casos.
- Por debaixo de 10 contaxios: Castro de Rei, A Pastoriza, Abadín, Guitiriz, Muras, Rábade, Pol, Meira e Begonte. Únese Outeiro de Rei.
- Entre unha semana e 15 días sen casos: Xermade e Friol.
- Máis de quince días limpos: Cospeito.
Comarca de Sarria
- Sarria reduce a 20 enfermos (2 menos).
- Por debaixo de 10 contaxios: Láncara e O Incio.
- Entre unha semana e 15 días sen casos: Paradela.
- Máis de quince días limpos: Samos, Triacastela e O Páramo.
Centro da provincia
- Lugo recupera número de positivos ata 280 (16 máis)
- Antas de Ulla chega aos dez enfermos.
- Por debaixo dos 10 casos: Monterroso, Palas, A Fonsagrada, Baralla, Guntín, Baleira, Pedrafita, Navia de Suarna, Castroverde e Ribeira de Piquín.
- Ente 1 semana e 15 días sen casos: O Corgo e Becerreá.
- Máis de quince días limpo: Negueira de Muñiz, Cervantes e Portomarín. Únese As Nogais.
Ribeira Sacra
- Carballedo: 12 positivos (1 máis).
- Chantada: 50 contaxios (8 menos).
- Folgoso do Courel: 28 (1 menos).
- Monforte: 59 casos (4 máis).
- O Saviñao: 42 enfermos (6 menos).
- Pantón: 14 (1 máis).
- Quiroga: 14 casos.
- Taboada: 27 contaxios.
- Por debaixo de 10 contaxios: A Pobra de Brollón, Bóveda e Sober. Únese Ribas de Sil.
RESTRICIÓNS
Entran en marcha novas restricións para atallar o novo crecemento do virus.
- Amplíase a esixencia do certificado covid na hostalaría. Os restaurantes pedirano durante todo o día e os bares a partir das 21.00 horas. No ocio nocturno segue a ser obrigado independente do nivel de seguridade.
- As mesas en interiores quedan reducidas de 10 a 8 comensais e en exteriores de 20 a 15.
- Os venres e sábados os establecementos hostaleiros poden pechar á 1.30 horas. O resto de días o horario de peche está fixado para a 1.00 horas.
- No lecer nocturno. Os pubs poderán abrir os venres e sábados ata as 4.30 horas. O resto de días ata as 4.00 horas. As discotecas e salas de concertos poderán pechar ás 5.00 horas.
- A máscara seguirá sendo obrigatoria en espazos pechados e cando non se poida manter unha distancia de 1,5 m.
