Un incendio afecta a varias naves no polígono do Ceao
LugoXa
Descoñécense polo de agora as causas que orixinaron este lume, que provocou unha densa fumareda que se pode ver desde toda a cidade.
11 Apr 2021
Os servizos de emerxencia traballan na extinción dun gran incendio orixinado na madrugada deste domingo na nave de pinturas Castro Parga, na rúa da Industria do polígono industrial do Ceao en Lugo. As lapas calcinaron a nave e afectaron alomenos a outras dúas próximas.
Un amplo dispositivo, formado por bombeiros, Policía Nacional e Local, traballan na zona, onde o lume segue activo e descontrolado. O incendio provocou unha densa fumareda que se pode ver desde toda a cidade.
Polo de agora non se coñecen as causas que orixinaron o lume, que solo ocasionou danos materiais.
