Uxía, da Escola Deportiva Shihan de Lugo, proclamouse campioa en kata xuvenil
LugoXa
A Escola Deportiva Shihan de Lugo vén de participar na Liga Nacional Infantil que tivo lugar esta fin de semana en Tarragona
11 Nov 2024
A Escola Deportiva Shihan de Lugo vén de participar na Liga Nacional Infantil que tivo lugar esta fin de semana en Tarragona.
Desta maneira, a alumna Uxía proclamouse campioa en kata xuvenil tras enfrontarse a duras rivais, co que vai cara a final de Liga Nacional. Porén, perdeu na categoría de kumite.
Pola súa parte, a alumna Ángela avanzou ata a 3º rolda en kata, e en kumite queda sen opción a pesar do bo combate que destacan desde o club.
Finalmente, Iria tamén avanza ata 3ª rolda e en kumite acaba preto de conseguir a medalla de bronce, o que lle supón un sabor agridoce. Porén, haberá outra oportunidade na Final da Liga Nacional.