Valoran o inicio dos traballos de renovación do firme na Avenida da Coruña
Os traballos de renovación do firme no tramo que conecta as rùas Perpetuo Socorro e Illas Cíes, na Avenida da Coruña, xa deron comezo.
O tenente de alcalde, Rubén Arroxo, destacou a importancia desta intervención, cualificándoa como "unha reclamación veciñal que permitirá mellorar un dos viais que máis tráfico acollen de toda a cidade".
A obra consiste na aplicación dunha nova capa de rodadura con mestura asfáltica en quente, garantindo a selaxe do firme fronte á acción da auga superficial e asegurando a durabilidade da intervención. Unha vez finalizado o asfaltado, procederáse á renovación da sinalización horizontal para mellorar a seguridade viaria.
Rubén Arroxo subliñou que a Tenencia de Alcaldía traballa activamente para "atender ás reclamacións veciñais e mellorar as vías de toda a cidade, tanto en zonas urbanas como periurbanas". Ademais, asegurou que o Goberno de Lugo, en coordinación coa empresa responsable das obras, está a executar os traballos minimizando as afeccións ao tráfico. Para iso, mantense a circulación en ambos sentidos, habilitándose itinerarios alternativos que permiten o correcto desenvolvemento da intervención.