Varias parroquias aproveitan o San Xoán para celebrar as súas patronais
Numerosas parroquias da comarca aproveitan a fin de semana para celebrar as súas festas patronais.
CASTRO DE REI
As localidades de San Xoán de Ribeira de Lea e de Santa Leocadia, en Castro de Rei, estarán de festa esta fin de semana para celebrar o San Xoán.
Na primeira as festas arrancarán o sábado cunha misa solemne e a actuación da orquestra Escaparate en sesión vermú e verbena. Nesta última tamén contarán coa actuación musical dos Festicultores Troupe.
O domingo continuará a festa só ata mediodía. Despois da misa solemne haberá sesión vermú cos Valuros. Ademais, o 15 de xullo está prevista a tradicional comida veciñal, que estará amenizada pola charanga Louband.
En Santa Leocadia as festa serán na honra a San Pedro comezando o sábado coa misa tradicional e a actuación do grupo Paréntesis, que tamén actuará na verbena xunto a Beatriz.
O domingo tamén haberá misa ás 13.30 horas e a procesión contará coa participación da Banda de Gaitas Asubíos da Chaira. Despois, a sesión vermú e a verbena estarán a cargo da orquestra Favorita.
LUGO
San Xoán do Campo tamén está de festas a fin de semana. Contará co grupo D'Nika en sesión vermú e verbena e Tania Veiras pola noite do sábado. O domingo será o dúo Eclipse o que amenice o mediodía mentres que a orquestra New York pechará a festa pola noite.
Os dous días haberá misa solemne ás 13.30 horas.
Tirimol tamén está de festa. Hoxe arrancan as patronais desta parroquia do municipio de Lugo, e farano cunha gran churrascada veciñal que estará amenizada polo dúo Eclipse.
A misa solemne na honra de San Xoán terá lugar o sábado dende as 13.30 horas. Ao rematar, terá lugar unha exhibición pirotécnica e a sesión vermú a cargo dun grupo de gaitas tradicional. Pola noite haberá verbena coa orquestra Finisterre e Disco Móvil Impacto, con DJ Marcos Magan e DJ Sonic.
O domingo, 25 de xuño, será a última das xornadas destas grandes festas que comezará, de novo, ás 13.30 horas con misa solemne. A nota musical da sesión vermú correrá a cargo do dúo Estrellas. Ademais, para remtar a festa, a partir das 18.00 horas haberá xogos tradicionais para todas as idades e competicións deportivas.
MONTERROSO
En Pol de Monterroso as festas son na honra á Virxe do Corpiño. Arrancará ás 13.00 horas coa misa solemne á que seguirá a sesión vermú do trío Mar de Caión, que tamén se ocupará da verbena.
O domingo a dobre sesión musical correrá a cargo de Sintonía e tamén haberá misa ás 13.30 horas.
OUTEIRO DE REI
As localidades de Silvarrei e San Xoán de Parada tamén están de festa. Hoxe darán comezo as celebracións en Silvarrei cunha churras cada veciñal a partir das 22.00 horas, amenizada pola orquestra La Hora Bruja en sesión verbena.
O sábado haberá misa pola mañá, ás 13.30 horas con procesión e posterior sesión vermú con La Travesía. Esta mesma orquestra encargarase da verbena xunto ao dúo Elixir.
O domingo haberá misa ás 13.30 horas de novo con procesión e coa sesión vermú darase por concluída a festa, que contará con Alma Latina. O campo da festa estará cuberto con carpa.
En San Xoán de Parada as festas serán o sábado e o domingo. Neste primeiro día as celebracións arrancará coa tradicional misa ás 13.30 horas, amenizada polo grupo Axeigo. A sersión vermú estará a cargo do dúo Epo-K, que tamén estará na verbena desde as 20.00 horas xunto ao trío Karma.
O domingo repetirá o oficio relixioso, sen procesión, e a sesión vermú de fin de festa contará co dúo Karamba.
PALAS DE REI
A localidade de Cubelo, en Palas de Rei, celebra esta fin de semana as súas festas na honra a San Xoán. Estas darán comezo ás 13.00 horas coa misa solemne, á que seguirá a sesión vermú, que estará a cargo do grupo Superstar.
Pola noite, volverán actuar na verbena xunto a DJ Casanova.
O 25 continuarán as celebracións coa charanga Eravisto, que actuará en sesión vermú e de tarde, a partir das 19.00 horas.
