Vicepresidencia no subvencionará actividades con presencia israleí
A Vicepresidencia da Deputación de Lugo non financiará ningún evento en que participen equipos ou organizacións "que contribúan a lexitimar o xenocidio do pobo palestino por parte do goberno israelí", así o indicou este mércores a través dun comunicado.
Explican que "visto o uso que en ocasións pode facerse do deporte e da cultura para branquear o masacre que está a perpetrar o exército de Israel, reforzaremos o control sobre os eventos que se patrocinan desde as áreas da nosa responsabilidade".
Ao tempo que adoptan esta medida, insisten en reclamar á comunidade internacional medidas eficaces para "deter o exterminio e a expulsión da poboación palestina de Gaza e Cisxordania".
Así mesmo, destacaron o seu apoio ás persoas que, no uso do dereito de manifestación e expresión, "protestan pacificamente contra o xenocidio do pobo palestino".