Wilker Faña, do Boxing Club Cidade de Lugo, disputará o seu cuarto combate como profesional
LugoXa
O evento, organizado pola promotora BCN Boxing Nights de mans de Sandor Martín, terá lugar no Complex Esportiu da Mina
12 Nov 2024
O vindeiro sábado, 16 de novembro, Wilker Faña, do Boxing Club Cidade de Lugo, disputará o seu cuarto combate como profesional no 2º Trofeo Ciutat de Sant Adriá.
O evento, organizado pola promotora BCN Boxing Nights de mans de Sandor Martín, terá lugar no Complex Esportiu da Mina, onde se disputarán 10 combates amateurs e 2 profesionais.
Wilker Faña (3-0-0 2 KOs) enfrontarase no combate estelar ao púxil local Victor Furtado (3-1-0 1 KO). Wilker Faña actualmente atópase de 12º na clasificación nacional e unha vitoria en Barcelona supoñería situarse no top 5 nacional en menos dun ano.