Xa está aberto o Certame de Poesía de Nadal de Antas de Ulla
O Concello de Antas de Ulla, xunto coa Biblioteca Pública Municipal, convoca un ano máis o Certame de Poesía de Nadal, animando á veciñanza a dar libre curso á súa creatividade literaria.
As obras deben presentarse en galego, cunha extensión máxima dun folio por unha soa cara, e o prazo de entrega remata o 19 de decembro.
Os gañadores e gañadoras da fase local pasarán á fase provincial, na que poderán ver publicada a súa obra no libro oficial das persoas premiadas da provincia. Este ano, ademais, incluiranse as creacións galardoadas de 2024, entre as que se atopan catro nenos e nenas de Antas de Ulla, un feito que enche de orgullo ao concello.
Desde o Concello animan á participación destacando que o Nadal tamén se escribe e que están desexando ler as novas creacións da veciñanza.