Xaquedrum organiza un campamento urbano de xadrez e actividades lúdicas en Lugo
A Asociación Xaquedrum de Xadrez organizará un campamento urbano que se celebrará do 1 ao 5 de setembro no CEIP Illa Verde, en Lugo.
Esta iniciativa combina o xadrez con unha ampla variedade de actividades lúdicas e educativas adaptadas a cada grupo de idade.
Os máis pequenos poderán participar en manualidades, tempo libre e unha festa da auga, mentres que os grupos maiores gozarán de actividades deportivas, xogos cooperativos, xadrez e tamén manualidades e festa da auga.
O horario básico do campamento será de 9 a 14 horas, con servizos de madrugadores de 8 a 9 horas e de tardones de 14 a 15 horas.
Os campamentos divídense en tres categorías: Xadrez divertido (4 a 6 anos), Xadrez e deporte (7 a 12 anos) e Campus de xadrez (13 a 17 anos).
O custo básico é de 65 euros por semana, con descontos para alumnos da Escola Luguesa de Xadrez, CEIP Rosalía de Castro e CEIP Illa Verde, así como para participantes que asistan a varios campamentos ou para o segundo e terceiro irmán.