Xúntanse máis de 200 exemplares na 4ª edición da Feira en Defensa do Gandeiro da Montaña
![Feira do Gandeiro da Montaña de Cervantes_](https://lugoxa.com/wp-content/uploads/2024/05/Feira-do-Gandeiro-da-Montana-de-Cervantes_.jpg)
Cervantes acolleu 4ª edición da Feira en Defensa do Gandeiro da Montaña, unha cita que impulsa a Deputación de Lugo a través dunha achega de 6.000 euros e que superou os 200 animais do ano pasado entre o gando vacún, equino, ovino e caprino procedente de ganderías da Fonsagrada, Castroverde, As Nogais, Becerreá, Navia de Suarna, Cervantes ou Asturias. A Deputación de Lugo levou tres exemplares procedentes do centro de recría da Granxa Gayoso Castro á cita gandeira
O deputado de Medio Ambiente, Carlos López, participou na feira, na que o prezo medio dos animais foi de 2.516 euros euros e o máis elevado ascendeu a 2.850 euros. A asociación Territorio Verde, co apoio do Concello, recuperou no ano 2019 esta feira tradicional co obxectivo de poñer en valor a actividade gandeira e enxalzar o espírito das feiras de hai 40 anos que se celebraban ao aire libre e eran o principal punto de venda de gando na Montaña lucense.
Desde primeira hora da mañá, a xornada contou con poxa, a entrega de premios aos mellores exemplares, sorteos e inchables para os máis pequenos. Ao longo do día, a xornada estivo amenizada polos grupos de música tradicional Os Xardois, Os Gaioleiros, e Tania e o seu acordeón.
O Bloque Nacionalista Galego tamén ase achegou a San Román de Cervantes. Estivo a deputada por Lugo no Parlamento galego, Montse Valcárcel, e membros do BNG na comarca. Montse Valcárcel destacou que “Cervantes ten todo por gañar, o seu sector agro-gandeiro é unha potencia que se ten que impulsar, e que desde o BNG apoiaremos sempre”
Apoio ao sector
Neste senso, o candidato nacionalista subliñou “poremos en marcha medidas en apoio ao sector, afondando en engadir valor aos produtos que aquí se producen, baixo o fomento da transformación da nosa carne, do noso mel ou doutros grandes manxares”. Valcárcel destacou que Cervantes merece que “ se estableza máis dinamismo económico, fixando riqueza na comarca, o que contribuiría á creación de emprego e o asentamento da poboación, funcións vitais para manter un concello rural como é Cervantes”
Por outra banda, o a deputada do BNG salientou que o dende o Parlamento se traballará para conseguir medidas para garantir prezos xustos “no BNG queremos que as persoas que están a manter e coidar o noso campo, teñan unhas condicións para que vivan dignamente, medidas que contribúan a garantir uns prezos xustos ás producións gandeiras”.