A parroquia lucense de Soñar celebra as súas grandes festas
LugoXa
A parroquia de Soñar, en Lugo celebra as súas grandes festas na honra de San Pedro, con misas solemnes e o ton musical de grandes grupos.
28 Jun 2022
San Pedro de Soñar, en Lugo, celebra esta fin de semana as súas grandes festas.
A celebración dará comezo o venres día 1 cunha churrascada popular á que seguirá a verbena a cargo do Grupo D'Nika. O día 2 de xullo a festa continúa coa misa solemne, ás 13.30 horas e a música da Orquestra Escaparate que amenizará a sesión vermú.
A Orquestra Escaparate será a encargada, xunto á Fanya Blanco Show, de poñer a nota musical á verbena nocturna.
O domingo día 3, repetirán a misa solemne na honra de San Pedro. Tanto a sesión vermú como a verbena correrán a cargo da orquestra Salsarena.
