30.000 plantas en flor ornamentan, dende hoxe, as rúas de Lugo
![Flores Miguel Fernández Lara Méndez](https://lugoxa.com/wp-content/uploads/2022/06/Flores-Miguel-Fernandez-Lara-Mendez.jpg)
Máis de 30.000 plantas en flor ornamentan, dende hoxe, as zonas verdes da cidade de Lugo. Unha acción da Concellería de Medio Ambiente, a cargo de Miguel Fernández, que estenderá esta campaña primaveral a un total de 26 localizacións.
18 variedades vexetais, entre as que destacan begonias, petunias, dahlias ou celosías, tinguirán de cor ademais dos xardíns da capital outros espazos públicos como prazas e rúas.
Os traballos, que teñen un tempo moi limitado para poder executarse debido aos condicionantes que impón a plantación, comezaron esta semana no Centro Histórico pero tamén nos barrios como pode ser o da Piringalla ata onde se achegaron a rexedora, Lara Méndez e o edil para comprobar como se están desenvolvendo.
Méndez explicou que “neste 2022 no que volvemos a saír as rúas xa sen restricións sanitarias e sen imitacións temporais, quixemos ser máis ambiciosos e ampliar a decoración floral e paisaxística daqueles puntos da capital que contan con espazos de esparexemento ou zonas comúns ás que a pandemia outorgou un valor engadido como lugares de socialización”, referiu a rexedora lucense.
Así, a renovación da decoración vexetal chegará por primeira vez ás prazas de Bretaña, Milagrosa, San Xoan, Agro do Rolo, Manuel María - Túnel do Oural e Fonte dos Ranchos; aos xardíns de San Roque, ás avenidas de Madrid e de Adolfo Suárez, á Ponte de Paradai, á Rolda Xosé Castiñeira e ás medianas da rúa Illa de Man.