A ADC Sagrado Corazón organiza o V Torneo Semana Santa de Fútbol Base
A ADC Sagrado Corazón organiza o V Torneo Semana Santa de Fútbol Base, un dos eventos deportivos máis importantes da comunidade galega nesta época do ano.
O campionato celebrarase os días 14 e 15 de abril nos campos municipais José María Rodríguez Lago e disputarase en modalidade de fútbol-7, acollendo equipos das categorías benxamín e alevín, reunindo a preto de 600 nenos e nenas.
Nesta quinta edición, o torneo segue ampliando as súa fronteiras, atraendo equipos da provincia veciña de León ademais dos habituais clubs galegos. Con 40 equipos confirmados, esta pode converterse na edición máis numerosa ata o momento.
Entre os equipos confirmados atópanse canteiras de gran nivel do noroeste peninsular, como RC Celta de Vigo, RC Deportivo de La Coruña, Fabril FC, SD Ponferradina, CD Lugo, CD Flores del Sil, Olímpico de León, CD Choco, EF Lalín, AJ Lérez, EF Portero 2000, Arosa SC, EF Base Cangas, CD Velle, Pabellón Ourense CF, Atlético Coruña Montañeros CF, Victoria CF, Ural CF, CD Calasanz, Bertamiráns, ED Xuventude Oroso, CD As Pontes, Sada CF, Rácing Club Villalbés, AD Río Ouro, CP Calasancio, SCD Milagrosa, ACD Piringalla, Gimnástica Lucense e o propio ADC Sagrado Corazón.
O torneo conta co apoio das tres principais institucións galegas: Concello de Lugo, Deputación de Lugo e Xunta de Galicia, que contribúren á súa celebración a través de diferentes vías. Ademais, o evento está autorizado pola Real Federación Galega de Fútbol (RFGF), garantindo o seu correcto desenvolvemento.
Desde a Xunta Directiva do ADC Sagrado Corazón queren expresar o seu agradecemento a todas as entidades, empresas colaboradoras e clubs participantes que fan posible a organización deste torneo, converténdoo nun referente dentro do panorama do fútbol base galego e do noroeste peninsular.