A Asociación Cultural Deiquí organiza o Primeiro Curso de Cantos de Taberna
LugoXa
Este obradoiro será impartido por Manu Santín e está destinado a quen queira achegarse a esta tradición musical tan arraigada
20 May 2025
A Asociación Cultural Deiquí organiza, coa axuda da Deputación de Lugo, o Primeiro Curso de Cantos de Taberna, que terá lugar o próximo 5 de xullo.
Este obradoiro será impartido por Manu Santín e está destinado a quen queira achegarse a esta tradición musical tan arraigada.
As prazas son limitadas, polo que a inscrición estará aberta ata o 27 de xuño, e a participación no curso é gratuíta, aínda que quen desexe desfrutar dos pinchos deberá abonar 15 euros por persoa.