A Asociación Intelecto organiza en Lugo unha conferencia de Rafa Dávila sobre “superpoderes invisibles”
A Asociación Intelecto organiza unha conferencia do orientador Rafa Dávila centrada nos chamados “superpoderes invisibles”, unha proposta que afonda nos perfís e nas altas capacidades e creatividade (AACC), combinando divulgación educativa e reflexión sobre o desenvolvemento persoal.
Durante o acto tamén se presentará o libro do propio relator, titulado Grietas y semillas. El despertar de lo invisible, no que aborda precisamente estas dimensións menos visibles do potencial humano e a súa relación coa aprendizaxe e o crecemento individual.
A actividade será aberta ao público e celebrarase o 6 de xuño ás 11:30 horas no espazo de O Vello Cárcere, un dos centros culturais de referencia da cidade.
A iniciativa conta coa colaboración do Concello de Lugo, que apoia a realización desta proposta divulgativa no marco da programación cultural e educativa da cidade.