Rural

O encontro terá lugar este luns 26 de xaneiro ás 20:00 horas no Centro Social de Conturiz e estará a cargo de Cristian González

A nova asociación Lugo Sur Conturiz inicia a súa actividade coa celebración da súa primeira charla pública, que se desenvolverá este luns 26 de xaneiro ás 20:00 horas no Centro Social de Conturiz.

A sesión correrá a cargo de Cristian González e xirará arredor da lonxevidade, abordando as verdades e mentiras do que se define como a maior revolución sanitaria da historia.

Con esta iniciativa, Lugo Sur Conturiz comeza a súa andaina cunha proposta centrada na divulgación e no debate sobre cuestións de actualidade relacionadas coa saúde e o benestar, abrindo un espazo de reflexión dirixido á veciñanza e ao público interesado nestas temáticas.