Sociedade

A entidade cancela a programación prevista para este venres, 30 de outubro, en sinal de respecto ás vítimas, ás súas familias e a todas as persoas afectadas pola traxedia

A Asociación Milagrosa Convive decidiu suspender as actividades do Samaín previstas para este venres, 30 de outubro, debido ao tráxico accidente ferroviario e como mostra de respecto e solidariedade coas vítimas, os seus familiares e todas as persoas afectadas.

A entidade considera que, nestes momentos difíciles, o máis importante é trasladar o seu apoio e cariño ás persoas que están a sufrir as consecuencias do sinistro. Por iso, quixo expresar o seu máis sentido pésame ás familias das vítimas e enviar toda a súa forza ás persoas afectadas.

A asociación tamén agradeceu a comprensión dos veciños, dos establecementos colaboradores e das familias que tiñan previsto participar na celebración. "Hoxe, o noso pensamento está coas vítimas e as súas familias", sinalou a entidade.