A Asociación Rioplatenses de Lugo celebra o seu XVIII aniversario cun evento aberto

Será este sábado, 10 de maio, ás 19.30 horas, na Casa de Asociacións María Mariño

A Asociación Rioplatenses de Lugo celebra o seu XVIII aniversario este sábado 10 de maio ás 19:30 horas, na Casa de Asociacións María Mariño, situada na Rúa Monte Faro 2.

O evento preséntase como unha ocasión para compartir ledicia e comunidade, convidando a todas as persoas interesadas a sumarse á conmemoración de case dúas décadas de traballo asociativo, convivencia intercultural e fortalecemento dos lazos entre Galicia e a rexión do Río da Prata.

Baixo o lema Celebramos o noso XVIII aniversario e queremos compartilo con vós, a asociación pon de manifesto o seu carácter aberto, integrador e festivo, reforzando o seu papel como espazo de encontro para persoas de diversas procedencias que fixeron de Lugo o seu fogar.