A coral Lucus Terra achega a música tradicional galega a Lugo
LugoXa
A coral Lucus Terra do IV Ciclo da USC ofrece un concerto este luns na Casa do Saber.
![coral_lucus_terra](https://lugoxa.com/wp-content/uploads/2024/04/coral_lucus_terra.jpg)
7 Abr 2024
A coral Lucus Terra do IV Ciclo da USC ofrece un concerto este luns na Casa do Saber. A agrupación, que estará dirixida por Bruno Villamor Gay, actuará a partir das 20.00 horas apoiándose nun repertorio para achegar a música tradicional galega.
Esta proposta forma parte do ciclo Na Calzada, promovido ao abeiro do convenio Lugo Cultural, que recibe financiamento da USC, Concello de Lugo e Deputación Provincial de Lugo. O acceso é libre de balde ata completar o aforo.
O programa responde a unha iniciativa, a través do que se dá cabida a novos talentos musicais, xa consolidados ou en fase de formación, a fin de que poidan presentar a súas respectivas creacións ao abeiro do Lugo Cultural.