A Deputación axudará na mellora do patio do colexio Martínez Otero de Foz

O presidente da Deputación, José Tomé Roca, mantivo un encontro no Pazo de San Marcos co representante do Colexio Fundación Martínez Otero de Foz, Manuel Benito González Alonso, durante o que asinaron un convenio de colaboración da institución provincial con este centro educativo.

A través do acordo, a Deputación destina preto de 21.000 euros para financiar a obra de reforma do patio de recreo deste inmoble, que consistirá nas obras de substitución do asfalto na superficie exterior do patio de recreo.