A estrada entre A Fonsagrada e Navia de Suarna rexistará a partir do uns cortes puntuais por obras
A Deputación de Lugo informa de que, a partir deste luns 19 de xaneiro, a estrada provincial LU-P-1901 rexistrará cortes puntuais de tráfico como consecuencia do inicio dos traballos de aglomerado en quente. Esta vía comunica os concellos da Fonsagrada e Navia de Suarna e verase afectada por restricións intermitentes ao longo do desenvolvemento das obras.
Os cortes de circulación produciranse en dous treitos concretos da estrada, comprendidos entre os puntos quilométricos 4,360 e 6,430, e entre os quilómetros 22,600 e 25,315. Desde a Deputación sinalan que estas interrupcións serán puntuais e necesarias para garantir a correcta execución dos traballos.
Para minimizar as molestias ás persoas usuarias, habilitaranse desvíos alternativos que estarán debidamente sinalizados, co fin de asegurar a circulación durante a realización das obras.