A Fonsagrada abre a inscrición nas Escolas Deportivas para o curso 2026-2027
O Concello da Fonsagrada abre a inscrición nas Escolas Deportivas para o curso 2026-2027, unha proposta dirixida a nenos e nenas a partir dos cinco anos que permitirá participar de maneira gratuíta en diferentes actividades deportivas entre os meses de outubro e xuño.
A programación inclúe actividades de pádel, multideporte, baloncesto, fútbol e fútbol sala, co obxectivo de facilitar que os máis pequenos poidan practicar diferentes disciplinas deportivas ao longo do curso.
O alumnado do CEIP e do IES da Fonsagrada recibirá nos propios centros educativos o formulario necesario para formalizar a inscrición. Ademais, as familias tamén poderán realizar o trámite directamente nas oficinas do Concello da Fonsagrada.
As Escolas Deportivas están organizadas polo Concello da Fonsagrada, a través da súa Concellería de Deportes, e desenvolveranse durante o curso 2026-2027, desde outubro ata xuño.
Para solicitar máis información ou realizar consultas sobre as actividades, está dispoñible o correo deportes@afonsagrada.org e o teléfono 629 67 12 36.