A ITV agrícola estará na Ribeira de Piquín o 5 de maio
LugoXa
A unidade móbil prestará servizo no Chao do Pousadoiro durante toda a xornada. É preciso solicitar cita previa.
15 Abr 2021
O Concello da Ribeira de Piquín informou de que a unidade móbil da ITV agrícola estará facendo as revisións no municipio o vindeiro 5 de maio.
A unidade prestará servizo no Chao do Pousadoiro, en horario de 9.00 a 13.30 horas e de 15.15 a 18.00 horas.
As persoas interesadas deben solicitar cita previa chamando ao teléfono 902 30 90 00 ou a través da páxina web www.sycitv.com.