A Milagrosa celebrará o magosto e o Samaín con castañas gratis, inchables e música
O barrio da Milagrosa celebrará o venres 30 de outubro unha xornada para conmemorar o magosto e o Samaín con actividades para todos os públicos. A iniciativa, organizada pola Asociación Milagrosa Convive, desenvolverase entre as 18.00 e as 23.00 horas e contará cunha carpa cuberta para facilitar a celebración.
Durante a tarde, os asistentes poderán degustar castañas de balde e os máis pequenos terán á súa disposición inchables gratuítos e unha actividade de pintacaras. Ademais, os nenos e nenas poderán participar no tradicional "truco ou trato", unha das propostas propias do Samaín.
A programación completarase coa música do Grupo Tropical, que se encargará de amenizar a xornada e crear un ambiente festivo no barrio.
Con esta proposta, a Asociación Milagrosa Convive busca reunir veciños e familias arredor dunha celebración que combina a tradición do magosto coas actividades propias do Samaín.