A Milagrosa prepara a 36ª Gala dos “Milagrosistas do Ano” e a XXIX Feira de San Isidro
A Asociación de Veciños, Comerciantes e Industriais da Milagrosa anunciou que a 36ª edición da Gala dos “Milagrosistas do Ano”, un dos actos sociais máis representativos do barrio, celebrarase o próximo 10 de abril no Restaurante Manuel Manuel. A cita manterá a tradición de recoñecer a persoas e entidades destacadas pola súa contribución á vida social, cultural e comunitaria da Milagrosa e de Lugo.
Ao mesmo tempo, a entidade informou da apertura do prazo para a presentación de propostas para esta edición. As candidaturas deberán incluír o currículum da persoa proposta e poderán enviarse ao correo electrónico fedveclucusa@gmail.com
ou entregarse presencialmente no local da asociación, situado na Rúa Luis Ameijide, 10 – Entresuelo C. O prazo permanecerá aberto durante xaneiro e febreiro, e o xurado reuniráse en marzo para seleccionar ás persoas nominadas.
Paralelamente, a asociación xa traballa na organización da XXIX Feira de San Isidro, que terá lugar os días 22, 23 e 24 de maio na Praza da Milagrosa. Este evento consolidado no calendario local combina artesanía, produtos agroalimentarios, comercio de proximidade e actividades para todos os públicos. As persoas, artesáns, vendedores ou produtores interesados en participar na feira poden contactar coa asociación a través do teléfono 982 80 16 92 mentres se remata de elaborar o programa desta nova edición.