A mocidade socialista de Lugo organiza un coloquio sobre a loita contra o imperialismo na Hedreira
A Coordinadora da Mocidade Socialista en Lugo organiza o vindeiro domingo 26 de abril un coloquio centrado nas experiencias na loita contra o imperialismo. O acto desenvolverase ás 12:00 horas na CSA A Hedreira.
A conversa contará coa participación das organizacións Lugo por Palestina e a Comunidade Saharaui de Galiza, que achegarán a súa visión sobre os procesos de resistencia fronte á violencia e á opresión que os pobos palestino e saharauí levan anos sufrindo.
Segundo a organización, o encontro busca poñer en valor a resistencia palestina e saharauí, así como amosar o rexeitamento á posición e ao papel desempeñado pola Unión Europea e polos Estados Unidos, aos que sinalan como cómplices desta guerra capitalista.
Tras a charla, a xornada continuará cun pequeno almorzo co obxectivo de compartir experiencias, reflexións e distintas estratexias militantes entre as persoas asistentes.