Cultura

'Sons herdados' combinará música medieval, galega e internacional coas imaxes da artista Marta Prieto

O venres 10 de abril ás 19:15 horas, no Museo Provincial de Lugo, a Orquestra de Cámara Lug, composta por alumnos do Centro de Música Glissando, presentará o concerto titulado Sons Herdados dentro das IX xornadas de Divulgación Científica do Patrimonio Arqueolóxico Lucense, organizadas polo Museo.

Este espectáculo busca transportar ao público nun percorrido musical a través do folclore, desde a Idade Media ata a actualidade. Durante o concerto poderanse escoitar cantigas de Santa María de Alfonso X, música tradicional inglesa de John Dowland, obras de Haendel, muiñeiras e repertorio galego máis recente, todo interpretado con unha sonoridade clásica propia dunha orquestra de corda.

Ademais, durante a actuación proxectarase a obra da artista visual Marta Prieto, complementando a experiencia musical cunha dimensión creativa e visual.

A Orquestra de Cámara Lug estará dirixida por Manuel Fernández Gayol, director do Centro de Música Glissando.