A Sociedade Filarmónica de Lugo programa 11 concertos para esta temporada
![filarmonica portada](https://lugoxa.com/wp-content/uploads/2022/09/filarmonica-portada.jpg)
A Concelleira de Cultura, Turismo e Promoción da Lingua, Maite Ferreiro presentou a nova tempada de concertos da Sociedade Filarmónica de Lugo.
Esta temporada contará con 11 concertos e todos terán lugar no Círculo das Artes ás 20.00 entre o vindeiro 22 de setembro e o 3 de maio de 2023.
Maite Ferreiro lembrou que “desde a área de Cultura continuamos coa nosa aposta firme pola realización de actividades culturais de calidade demostrada a nivel galego, estatal e internacional” e engadiu “o compromiso da sociedade Filarmónica por manter esta actividade xa consolidada no calendario cultural de Lugo”.
A programación desta tempada achega a Lugo a músicos destacados a nivel galego, estatal e internacional contando coas tres agrupacións máis importantes de Galiza, con concertos da Real Filarmonía de Galiza, a Orquestra Sinfónica de Galiza ou a Orquestra Sinfónica Vigo 430.
![Programa conciertos filarmonica](https://lugoxa.com/wp-content/uploads/thumbs/2022/09/Programa-conciertos-filarmonica-scaled-200x457.jpg)