A Sociedade Filharmónica de Lugo conmemora o seu 75 aniversario cun concerto este venres
A Sociedade Filharmónica de Lugo programa para o vindeiro venres un concerto especial para conmemorar o 75º aniversario da súa fundación.
A actuación terá lugar o próximo 17 de decembro ás 20.00 horas no Salón Rexio do Círculo das Artes baixo a batuta do mestre Maximino Zumalave, director e pianista compostelán, e coa presenza do contratenor Christian Gil-Borrelli. O repertorio que ofrecerán inclúe obras de Beethoven, Haendel, Gluck e Mozart.
Este tipo de actividades achegan a música ao público lugués e axuda a divulgar a cultura deste tipo de cancións clásicas na cidade programando nestes anos máis de 700 concertos”.
Dentro desta tempada 2021-22, a Filharmónica de Lugo organiza 13 actuacións que se desenvolven desde o pasado setembro ata o vindeiro 7 de maio. As datas e actividades ao completo poden consultarse na súa páxina web.
Maximino Zumalave
Director e pianista compostelán, formouse musicalmente en Santiago, Madrid, Viena e Stuttgart. Foi discípulo de Ángel Brage, Rosa Sabater, Guillermo González, John Elliot Gardiner e Helmuth Rilling. Fundador e director do Coro Universitario de Santiago e do Collegium Compostellanum, principal director invitado da Orquestra Sinfónica de Galicia (1992 – 1995) e director asociado da Real Filharmonía de Galicia, formación da que foi fundador. Dirixiu importantes formacións tanto estranxeiras como españolas.
Christian Gil-Borrelli
Inicia a súa carreira musical na Universidade de Santiago de Compostela, formando parte de varios grupos da escena musical local, onde estuda Medicina e Cirurxía. Tras licenciarse, Christian Borrelli trasládase a Madrid, onde comeza a súa formación académica de canto no Conservatorio Profesional Arturo Soria xunto á soprano María José Santos e o repertorista Miguel Huertas. En 2016, Christian Borrelli aparca a súa carreira de médico para dedicarse a tempo completo á música, ingresando na Escola Superior de Canto onde se forma da man de Cristina Gallardo-Domâs, Pilar Pérez-Íñigo e a repertorista Cristina Presmanes.
Finalmente instálase en Alemaña para estudar coa mezzosoprano María José Montiel na prestixiosa Universität der Künste Berlín. Así mesmo, recibiu formación vocal doutros contratenores como Xavier Sabata ou Philippe Jaroussky e tomou leccións de interpretación musical de directores de orquestra como Alberto Zedda, Eduardo López Banzo ou Miquel Ortega.
Neste breve período, Christian Borrelli conseguiu converterse nun dos contratenores españois con maior proxección. Ofreceu recitais e concertos en festivais e teatros de toda España,