A Volta do Agro protagoniza a primeira foliada do ano no Madia Leva
LugoXa
A actividade terá lugar o sábado 10 de xaneiro e buscará repetirse todos os segundos sábados de cada mes
9 Jan 2026
O centro social Madia Leva de Lugo celebra este sábado 10 de xaneiro a primeira foliada do ano, unha iniciativa que pretende consolidarse como encontro habitual todos os segundos sábados de mes.
Nesta primeira sesión participará a Asociación Cultural A Volta do Agro.
As persoas interesadas poderán asistir a partir das 12:30 horas no local do Madia Leva, situado na rúa Serra de Ancares, 18, para gozar dunha xornada de música e tradición popular.